24 თებერვალს, ენერგეტიკის მინსტრის მოადგილე სოსო ვარსემაშვილი კომპანია ”ენერგო-პრო ჯორჯია”-ას მიერ გარდაბანში ინდივიდუალური გამრიცხველაინების სამუშაოების მიმდინარეობას გაეცნო.

სამუშაოების დამთავრების შემდეგ 6 540 აბონენტს დაუმონტაჟდება თანამედროვე ევრო სტანდარტების შესაბამისი ინდივიდუალური მრიცხველი. აღნიშნული მრიცხველების წყალობით კომპანიის აბონენტები ადვილად შეძლებენ მოხმარებული ელექტროენერგიის კონტროლს და მათ ელექტროენერგიის გადასახადი დაერიცხებათ საკუთარი ინდივიდუალური მრიცხველის ჩვენების საფუძველზე.

ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი სადენებით, ძველი ხის ბოძები – ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა

მხოლოდ ამ პროექტის განხორციელების მიზნით ”ენერგო-პრო ჯორჯია” გეგმავს 2 მლნ–მდე ლარის ინვესტიციის განხორციელებას.

2010 წლის 1 ივლისამდე ინდივიდუალური გამრიცხველიანების პროექტის ფარგლებში გამრიცხველიანდება ენერგო–პრო ჯორჯიას 60 669 აბონენტი. აღნიშნული პროექტის განხორციელების მიზნით კომპანია გეგმავს 19 მლნ ლარამდე ინვესტიციის განხორციელებას. ამ დროისთვის ”ენერგო–პრო ჯორჯიას” მიერ გამრიცხველიანებული აბონენტების რაოდენობა შეადგენს 350 000  მეტს.