10 მარტს საქართველოს ტექნიკურ უნივერსიტეტში USAID-ის ახალი პროექტის პრეზენტაცია გაიმართა - “თანამედროვე ენერგოეფექტური ტექნოლოგიებისა და განათების ინიციატივა” (NATELI) ორწლიანი პროექტია, რომელიც ხორციელდება ამერიკის შეერთებული შტატების საერთაშორისო განვითარების სააგენტოს მხარდაჭერით.
პროექტის ძირითადი მიზანია ენერგოეფექტური ტექნოლოგიების ფართოდ დანერგვისა და გამოყენების სტიმულირება საქართველოს საწარმოებსა და საყოფაცხოვრებო სექტორში. ღონისძიებას ესწრებოდა ენერგეტიკის მინისტრის პირველი მოადგილე მარიამ ვალიშვილი.
პროგრამის ძირითადი მიზნობრივი ჯგუფები ენერგიის მძლავრი მომხმარებლები არიან -საავადმყოფოები და ბინათმესაკუთრეთა სეგმენტი, აგრეთვე საქართველოს ტექნიკური უნივერსიტეტი. პროგრამა თანადგომას უწევს აღნიშნულ ობიექტებს დანერგონ ენერგოეფექტური ღონისძიებები ენერგიაზე გადასახადების შემცირების მიზნით.
“BP ჯორჯიასთან” ერთად პროგრამა უზრუნველყოფს აშშ საერთაშორისო განვითარების სააგენტოს/BP-ს გლობალური ალიანსის მიერ დაფინანსებული ენერგოავტობუსის ფუნქციონირებას.
პროექტში თბილისის მერიაც ჩაერთო, უკვე შერჩეულია 12 საცხოვერებლი კორპუსი, სადაც ენერგოდამზოგი მოწყობილობები დამონტაჟდება.
ახალი პროექტის პრეზენტაცია
